Archive for januar 2015

Ho tok kaffikoppen min
Ho tok den siste kakebiten òg
Vi hadde hatt ein så god samtale vi to
Eg røyste meg for å gje deg ein klem då du skulle gå
Så skulle eg sitte litt til

Eg sa eg skulle vente på bussen
Men ville berre sitte litt åleine, og tenke over det vi hadde snakka om
Halde på den gode stunda
Ete den siste kakebiten
Ta den siste kaffislurken
Dvele ved den gode samtalen vi hadde

Men då eg vinka til deg
Då var ho der
Mitt i det magiske øyeblikket var ho der
Og liksom nappa det ifrå meg

Ho tok koppen
………og kakestykket
Ho tok liksom siste bit av den gode stunda
Klypte av før det var heilt slutt

Då var det berre å gå ut i mørket
Eg tok jakka godt rundt meg
Som om eg ville prøve – å ta den gode stunda – med meg ut.

14.01.15.

Eg hadde gått til anskaffelse av ein fast passasjer
Som skulle fortelje meg kva eg på vegen sku gjer
Ho foralde meg om rette vegval i framtidige kryss
Medan eg køyrde bil og gav henne gratis skyss

Men etter ei stund så gjekk det ikkje so bra
eg trur ho bomma litt på kvar vi egentleg va
vi endå opp ved eit busskur innerst i Sogn
Men var vel egentleg på veg til eit kurs i Skogn

Det starta med at eg ikkje køyrde slik ho sa
Ho tykte nok ikkje det var særleg bra
Så difor prøvde ho nok å ta igjen
Og det hjelpte verken med åtvaringar eller skjenn

Ein gong var vi midtvegs inne i ein tunell
Då dama plutseleg og utan varsel tok kveld
I rundkøyringa etter var eg veldig i tvil
Det enda med ei omkøyring på tre til fire mil

Så hadde vi ei hending midt på Osen bru
Då ho brått skreik til at eg måtte snu
Det e mulig ho ikkje såg at det kom ein melkebil imot
Hadde eg svinga ville eg bøtt med livet, og fått ei saftige bot

Så stemninga i bilen vart ganske mutt
Vi forstod det begge at det var best det vart slutt
Så det var måndag i sist veke at eg plukka ho ned
Så no lyt eg finne fram vegen i fred

Ho ligg no ute på finn dott no
Så då får eg håpe andre treng nokon som kan glo
Har sett prisen til høgste bod nett under tusen
Men over salget har det ikkje vore den store susen

Så no køyrer eg fram på krokut veg
utan at ho er der og kommanderer på meg
Litt rart i starten, men det går seg nok te
Og få nokon erstattar – nei da trur eg lyt ve!
21.10.2012.