Har du sånn heilt vanleg påskeferie
Ikkje på noko langtur
Ingen store planar
Berre slappe av
og la tida kome imot

Gå ein liten tur
Endeleg få lese bøkene du fekk til jul
Eller rydde ut av boda under trappa
Og hive dei gamle ubrukelege stolane
som var så vonde å sitte i

Ikkje legge ut bilde av snø på insta
Eller ein naken navle på face
Utsikt frå ein tindetopp
eller innsikt i eit gamalt slott

Ein heilt ordinær og god påskeferie
slik som dei fleste andre

9.4.17.

Eg møtte meg sjølv i døra
Eg kom verken ut eller inn
Var heller ikkje noko anna alternativ
Så veit ikkje om eg utav dette finn

Litt som å gå på ein spegel
Som du i først trudde var ei dør
Det å møte seg sjølv i heilprofil
Du kvepp – sjølv om du har sett deg før

Ein ser straks etter ei anna løysing
Å kome seg forbi
Forbi det oppsette stengsel
Som ein sjølv står midt oppi

Men berre snu seg vekk ifrå det
Når bilde sit spikra fast
At ein sjølv som står midt i vegen
Og hindrar løysing i si eiga last

Så når eg igjen møter meg sjølv i døra
Vil eg då berre snu og gå ?
Eller vil eg prøve å løyse opp i
Den floken som eg sjølv bere på.